12-16.05.2008
Стажыроўка працаўнікоў украінскіх і беларускіх Цэнтраў Занятасці у Гарадскім Цэнтры Занятасці ў Любліне

12 - 16 траўня 2008 г . у Гарадскім Цэнтры Занятасці ў Любліне адбыліся вучэбныя візіты для працаўнікоў Цэнтраў Занятасці з Украіны і Беларусі. Удзельнікамі гэтага візіту былі: Рэната Іват, віцэ-дырэктар Гарадскога Цэнтра Занятасці ў Львове; Вольга Шаўчук, галоўны спецыяліст пп. працаўладкавання і пп. працаўладкавання інвалідаў з Валынскага абласнога Цэнтра Занятасці ў Луцку; Ірына Гурская, галоўны спецыяліст пп. працаўладкавання з Гарадскога Цэнтра Занятасці ў Луцку, працаўнік Раённага Цэнтра Занятасці ў Ковелі.

Вучэбны візіт пачаўся 12 траўня ў 9-00 урачыстай сустрэчай удзельнікаў з Дырэкцыяй Цэнтра. Затым пані Мажэна Слатвінска-Канар паказала арганізацыйную структуру і заданні рэалізаваныя Гарадскім Цэнтрам Занятасці ў Любліне. Было шмат пытанняў, што сведчыць аб вялікай зацікаўленасці праблемай і важнай ролі такіх праграм у міжнародным абмене вопытам і добрымі практыкамі.

На другі дзень візіту стажоры пазнаёміліся з методыкай работы з беспрацоўным, якая выкарыстоўваеца ў Гарадскім Цэнтры Занятасці ў Любліне. Прадстаўленне метадаў і інструментаў праходзіла ў форме варштатаў. Пасля смачнага абеду ўдзельнікі вучэбнага візіту мелі магчымасць прайсці па Любліне з вопытным гідам Луізай Дутковяк.

Трэці дзень быў прысвечаны прадстаўленню работы асобных арганізацыйных ячэек Цэнтра. Пасля цікавых сустрэч, удзельнікі стажыроўкі паехалі на запланаваную экскурсію ў Казімеж Дольны. Гэта быў дзень поўны новай інфармацыі і цікавых знаёмстваў.

Чацвёрты дзень стажоры правялі на Кірмашы Працы 2008, які адбываўся ў гадзінах 10.00 - 17.00 у спартыўна-выставачнай зале “Глобус“, арганізаваным Гарадскім Цэнтрам Занятасці ў Любліне сумесна з Ваеводскім Ваенным Штабам у Любліне, Центрам Дабраахвотных Группаў Працы ў Любліне, Інстытутам Рынку Працы – Фонд Новы Стаў і Фондам Fuga Mundi. Была магчымасць пазнаёміцца з арганізацыяй гэтага тыпу мерапрыемстваў і наладзіць супрацоўніцтва з польскімі фондамі, працадаўцамі, агенствамі пасярэдніцтва і г.д.

Апошні, пяты дзень вучэбнага візіту закончыўся наведваннем пазаўрадавых арганізацый, якія дзейнічаюць у Любліне і зацікаўленыя сацыяльна-прафесійнай актывізацыяй беспрацоўных: Цэнтр Інфармацыі і Планавання Прафесійнай Кар'еры АЦЗ у Любліне; Фонд Fuga Mundi; ЦІС. Таксама ў гэты дзень адбылося падвядзенне вынікаў стажыроўкі.

Падчас вучэбнага візіту ў Цэнтры і арганізаваных экскурсій быў прысутны перакладчык - д-р Юльяна Беднарчук. Арганізацыяй візіту і пытаннямі кантакту з удзельнікамі займалася д-р Іванна Шубіна. Праграму вучэбнага візіту склала Эдыта Звеж.

TAK ZAPOWIADALIŚMY STAŻE ...

Праграма вучэбнага візіта (стажыроўкі)
працаўнікоў украінскіх і беларускіх устаноў па працаўладкаванню ў Гарадскім Цэнтры Занятасці ў Любліне
ў рамках праекта „Трансмежны Цэнтр Падтрымкі Рынка Працы”

Мэта візіта: Трохбаковы абмен вопытам, добрымі практыкамі і агульнае абмеркаванне праблем, звязаных з функцыянаваннем іншаземцаў на польскім рынку працы.

Тэрмін: 12 - 16 траўня 2008г.

12 траўня (панядзелак)
Сустрэча з Кіраўніцтвам Цэнтра Занятасці. Знаёмства з арганізацыйнай структурай і заданнямі, якія рэалізуе Гарадскі Цэнтр Занятасці ў Любліне.

13 траўня (аўторак)
Знаёмства са спецыфікай працы асобных арганізацыйных ячэек установы.

14 траўня (серада)
Методыка працы з беспрацоўнай асобай.

15 траўня (чацвер)
Удзел у Кірмашы Працы 2008, арганізаваным Гарадскім Цэнтрам Занятасці ў Любліне сумесна з Ваеводскім Ваенным Штабам у Любліне, Цэнтрам Адукацыі і Працы ДГП ў Любліне, Інстытутам Рынка Працы - Фондам Новы Стаў у Любліне і Фондам Fuga Mundi у Любліне, у гадз. 10.00 - 17.00, Спартыўна-выставачная зала “Глобус”.

16 траўня (пятніца)
Візіт у пазаўрадавых арганізацыях, якія дзейнічаюць у Любліне і займаюцца сацыяльна-прафесійнай актывізацыяй беспрацоўных людзей. Падвядзенне вынікаў вучэбнага візіта.

Спампаваць

Праграма вучэбнага візіта